أنغام: "وفاة عمي كانت محتومة بسبب إدمانه للمخدرات ومحدش كان بيحاول يساعده"

تحدثت الفنانة أنغام عن وفاة عمها عماد عبد الحليم وهو في سن صغير، وتسبب إدمانه للمخدرات في وفاته.

وقالت أنغام من خلال تصريحات تليفزيونية: " فراق عمي كان صعب، لأنه مات صغير عنده 35 سنة، وكنت عارفة إن نهاية حياته موت محتوم، ووقت وفاته في التسعينيات، مكانش في وعي كافي باستيعاب شاب مدمن، وكانوا بيتعاملوا معاه بقسوة، مش كمريض محتاج مساعدة كبيرة وطويلة، وهو كان بيطلب المساعدة وبيحاول يخف".

وكانت أنغام قد كشفت سابقا عن تفاصيل في حياتها الأسرية أثرت بها قائلة: "بعد ما شوفت أبويا بيضرب أمي وأنا طفلة مبقتش اسلم عليه ولا أبوسه، وبعمل ده وأنا مرتاحة، وبقى عندي مسئولية أني أحمي ماما طول الوقت، ومرة سألت والدتي ليه كملتي مع والدي بعد ما ضربك، وكان ردها عليا  كنت هعمل ايه هروح بيكم فين انتوا الاتنين، مشفتش والدتي سعيدة يوم، ولومتها بقسوة وأمي مكنش ليها ظهر من أهلها، وأخويا ملحقش يشوف أخت عادية في البيت، هو وعي وأنا كنت مشهورة ومسئولة، وأنا مديله العذر في كل حاجة".